غزہ(مانند نیوز ڈیسک)غزہ میں ہسپتا لوں کو ایندھن، ادویات اور دیگر سہولیات بدستور بند ہونے کی وجہ سے 39 بچے موت کے منہ میں چلے گئے۔فلسطینی وزارت صحت کے مطابق الشفا ہسپتا ل میں آکسیجن کی کمی کے باعث 39 بچے زندگی کی بازی ہار گئے، ہسپتال بند ہونے سے سینکڑوں مریضوں کی زندگی کو خطرات لاحق ہیں، اسرائیل نے الشفا ہسپتال پر فاسفورس بم گرائے، اسرائیلی فوج نے غزہ کے تمام ہسپتالوں کا محاصرہ کر رکھا ہے۔ غزہ کے 35 میں سے 21 ہسپتال مکمل طور پر بند ہو چکے ہیں، اس کے علاوہ 72 میں سے 51 ہیلتھ کیئر مراکز بھی مکمل طور پر بند ہیں، فلسطینی وزارت صحت نے کہا کہ اسرائیلی فوج امداد میں ایندھن غزہ پہنچانے کی اجازت نہیں دے رہی، اسرائیلی فوج نے غزہ میں ہسپتالوں اور ہیلتھ مراکز پر 270 سے زائد حملے کئے۔