باجوڑ (مانند نیوز)ڈپٹی کمشنر باجوڑ محمد انوار الحق نے ہیڈکوارٹر ہسپتال باجوڑ کا دورہ کیا جہا ں انہوں نے تحصیل ماموند ڈمہ ڈولہ کے بم دھماکہ میں زخمیوں کی عیادت کی اور ان کی خیرت دریافت کی اور ہسپتال انتظامیہ کی جانب سے فراہم کی جانے والی طبی سہولیات کا جائزہ لیا گیا۔ اس موقع پر ڈپٹی کمشنرنے بم دھماکے میں شہید ہونے والے عبدالستار اور ابراہیم کے بلندرجات اور زخمیوں کی جلد صحت یابی کے لیے دعا کی۔اس موقع پر ڈپٹی کمشنرنے ہسپتال کے ایم ایس کو بم دھماکہ کے زخمیوں کو ہر ممکن علاج معالجہ کی سہولیات فراہم کرنے کی ہدایت کی۔