وانا (مانند نیوز) وانا یونین آف جرنلسٹس (ڈبلیو یو جے) کے انتخابات مکمل، چئیرمین آدم خان وزیر جبکہ صدر ظفر وزیر منتخب ہوگئے، تفصیلات کے مطابق ضلع جنوبی وزیرستان لوئر میں وانا یونین جرنلسٹس کے انتخابات باہمی مشاورت سے مکمل ہوگئے، جس میں ملک کے سنئیر صحافیوں نے متفقہ طور پر آدم خان وزیر کو چئیرمین جبکہ ظفر وزیر کو صدر منتخب کر لئے گئے۔ اس موقع پر سنئیر صحافیوں میں حمید اللہ وزیر، سید وزیر، نورعلی وزیر اور قسمت اللہ وزیر بھی موجود تھے۔اس موقع پر وانا یونین آف جرنلسٹس (WUJ) کے نومنتخب چئیرمین آدم خان وزیر اور صدر ظفر وزیر نے کہا کہ صحافیوں کی فلاح وبہبود اور انکی محرومیوں کو دور کرنے کیلئے دن رات کرکے کام کرینگے، دونوں نے اس عزم کا اظہار کیا کہ وزیرستان کے صحافیوں میں اتفاق و اتحاد پیدا کرنے کیلئے ہمیشہ کوشاں رہینگے، صحافیوں کو درپیش چیلنجز اور ایشوز سے اعلیٰ حکام کو آگاہ کرینگے تاکہ صحافیوں کی درپیش مشکلات کو بروقت حل کیا جاسکے۔ ڈبلیو یو جے کے دیگر صحافیوں نے نومنتخب چئیرمین اور صدر پر بھرپور اعتماد کا اظہار کیا اور امید ظاہر کی کہ آپ دونوں صحافیوں کی فلاح وبہبود کیلئے عملی اقدامات اٹھائیں گے اور انکی مشکلات کو اعلیٰ حکام تک پہنچائیں گے۔