راولپنڈی(مانند نیوز ڈیسک)راولپنڈی کی اڈیالہ جیل میں قیدیوں کے درمیان جھگڑے کے نتیجے میں ایک قیدی قتل اور ایک زخمی ہوگیا۔جمعرات کے روز راولپنڈی کی اڈیالہ جیل میں افسوسناک واقعہ پیش آیا جہاں قیدیوں کے درمیان جھگڑے کے نتیجے میں ایک قیدی قتل اور ایک زخمی ہوگیا۔پولیس حکام کے مطابق جھگڑے کے دوران قتل ہونے والے قیدی کی شناخت اعجاز ربانی کے نام سے ہوئی ہے جبکہ اس دوران ایک قیدی زخمی بھی ہوا جس کی شناخت عماد علی کے نام سے ہوئی۔حکام نے بتایا کہ عماد علی کو طبی امداد کے لئے پمز ہسپتال منتقل کر دیا گیا۔حکام نے بتایا کہ مقتول اور زخمی کے جھگڑے کے بارے میں تفصیلات اکھٹی کر رہے ہیں۔