اسلام آباد(مانند نیوز ڈیسک) سابق وزیر اعظم اور مسلم لیگ ن کے قائد میاں نواز شریف نے کہا ہے کہ پی ٹی آئی نے آئی ایم ایف کو خط لکھ کر ملک دشمنی کی۔حلف اٹھانے کے لئے پارلیمنٹ ہائوس پہنچنے پر صحافیوں سے گفتگو میں نوازشریف نے کہا کہ آئی ایم ایف کو خط لکھنا پی ٹی آئی کا و طیرہ ہے،یہ وہی کرسکتے ہیں،بانی پی ٹی آئی نے آئی ایم ایف کو خط لکھ کر ملک دشمنی کی۔خود ہی نتیجہ اخذ کرلیں۔کوئی شخص یا فرد ایسا خط نہیں لکھ سکتا۔انہوں نے کہا کہ کوئی سیاسی جماعت ایسا خط نہیں لکھ سکتی،سائفر کے بعد آئی ایم ایف کو خط بھی اسی سلسلے کی کڑی ہے۔