ایبٹ آباد (مانند نیوز)حکومت خیبر پختونخوا کی جانب سے رمضان المبارک کے بابرکت مہینے میں ضلع بھر کے4000رجسٹرڈ خاندانوں کو فی کس 10 ہزار روپے کی فراہمی کے حوالے سے اجلاس ڈپٹی کمشنر ایبٹ آباد خالد اقبال کی زیر صدارت ڈپٹی کمشنر آفس میں منعقد ہوا۔ اجلاس میں لوگوں کو پیسوں کو شفاف طریقے سے جلد از جلد فراہمی کے حوالے سے امور زیر بحث آئے۔ اجلاس میں ایڈیشنل ڈپٹی کمشنر ریلیف اینڈ ہیومن رائٹس،ڈسٹرکٹ آفیسر سوشل ویلفیئر ایبٹ آباد، انچارج اکاونٹس، انچارج ریسورس سینٹر اور دیگر افسران نے شرکت کی۔