ہنگو (مانند نیوز)ہنگو تھانہ سٹی پولیس کا منشیات سمگلروں کے خلاف بڑی کارروائی، موٹر کار کے خفیہ خانوں سے 18 کلو گرام اعلی کوالٹی کے چرس برآمد کرکے 2 منشیات سمگلروں کو گرفتار کر لیا ہے۔ اس حوالے سے ایس ایچ او تھانہ سٹی فیاض خان نے بتایا کہ ڈی پی او محمد خالد کے خصوصی احکامات پر عبدالعلی چیک پوسٹ پر خصوصی ناکہ بندی کے دوران موٹر کار کے خفیہ خانوں سے 18 کلو گرام چرس اور 1 پستول بھی برآمد کر لیا ہے چرس کو وزیرستان سے براستہ ہنگو کوہاٹ سمگل کئے جا رہے تھے۔ موقع پر 2 ملزمان سخی الرحمان سکنہ وزیرستان اور امین سکنہ ہنگو بلیامینہ کو گرفتار کرکے تھانہ سٹی میں مقدمہ درج کرلیا ہے۔