اورکزئی (مانند نیوز)حکومت خیبرپختونخوا کے احکامات کی روشنی میں ضلعی انتظامیہ اورکزئی نے اپراورکزئی میں گورنمنٹ پرائمری سکول غنڈاکی میں کھلی کچہری کا انعقاد کیا جس میں تمام سرکاری محکموں کے متعلقہ حکام کے علاوہ علاقہ مشران اورعام لوگوں نے بھی کثیر تعداد میں شرکت کی۔لوگوں نے کھل کر اپنے مسائل و مشکلات سے ضلعی انتظامیہ کو آگاہ کیا۔سرکاری حکام نے کھلی کچہری میں پیش کردہ معمولی نوعیت کے مسائل موقع پر ہی حل کر دیئے جبکہ باقی ماندہ مسائل حل کرنے کیلئے متعلقہ حکام کو ڈیڈلائن کے ساتھ بھیج دیئے۔انتظامیہ نے یقین دلایا کہ عوام کو ان مسائل کے حل پر پیش رفت سے برابر آگاہ رکھا جائے گا اور کھلی کچہری میں جاری کردہ احکامات پر عملدرآمد نہ کرنے والے افسران کے خلاف سخت کارروائی کی جائے گی۔