کرک (مانند نیوز )ضلع کوہاٹ کے نو تعینات ڈپٹی کمشنرعبدالاکرم، ضلع کرک کے نوتعینات ڈپٹی کمشنر شکیل احمد جان اورہنگو کے نوتعینات ڈپٹی کمشنر گوہرزمان نے اپنے اپنے عہدوں کا چارج سنبھال کر کام شروع کردیاہے۔ نئے ڈپٹی کمشنرز کوان کے دفترآمد پر پولیس کے چاق وچوبند دستوں نے گارڈ آف آنر پیش کیا۔بعدازاں نوتعینات ڈپٹی کمشنرز نے اپنے اضلاع کے متعلقہ اسسٹنٹ کمشنرز،ایڈیشنل اسسٹنٹ کمشنر ز اوردیگر عملے کے ساتھ تعارفی اجلاس منعقد کئے۔انہوں نے مل کرعوام کو درپیش مسائل ومشکلات کے حل کیلئے مشترکہ کوششیں کرنے کے عزم کا اعادہ کیا ۔