کوہاٹ (مانند نیوز)ڈپٹی کمشنر کوہاٹ عبدالاکرم کی زیر صدارت شکر درہ ماڈل سکول کا ایک اجلاس منعقد ہوا جس میں سکول ہذا کے اساتذہ کرام کے تنخواہوں سمیت جملہ مسائل زیرِ غور آئے اور اس سلسلے میں کئی اہم فیصلے کئے گئے۔اجلاس میں ایڈیشنل ڈپٹی کمشنر فنانس اینڈ پلاننگ، اسسٹنٹ کمشنر لاچی، پرنسپل شکردرہ ماڈل سکول اور دیگر متعلقہ حکام نے شرکت کی۔ ڈپٹی کمشنر کوہاٹ نے سکول ہذا کے مسائل ترجیحی بنیادوں پر حل کرنے کی یقین دہانی کراتے ہوئے اساتذہ کرام پر زور دیا کہ وہ بھی سکول کا تعلیمی معیار مزید بہتر کریں اور اسے مثالی تعلیمی درسگاہ بنائیں۔
