اسلام آباد (مانند نیوز)نو منتخب امریکی صدر ڈونلڈ ٹرمپ نے امریکی خاتونِ اوّل جِل بائیڈن کے ساتھ تصویر کا استعمال کرتے ہوئے پرفیوم لانچ کر دیا۔
غیر ملکی میڈیا کے مطابق پرفیوم کی لائن کو ’فائٹ، فائٹ، فائٹ‘ کا نام دیا گیا ہے، پرفیوم کی رینج مرد اور خواتین دونوں کے لیے لانچ کی گئی ہے۔
میڈیا رپورٹس کے مطابق مرد اور خواتین دونوں کے پرفیوم کی قیمت 199 ڈالرز ہے۔
ڈونلڈ ٹرمپ نے جوتے بیچنا شروع کردیئے، ایک جوڑے کی قیمت 1 لاکھ 11 ہزار 423 روپے
میڈیا کی رپورٹس کے مطابق ڈونلڈ ٹرمپ نے امریکی خاتونِ اوّل جِل بائیڈن کے ساتھ تصویر کا استعمال پرفیوم کی پیکجنگ یا ڈبوں میں نہیں کیا ہے بلکہ انہوں نے اس تصویر کا استعمال صرف سوشل میڈیا پر کیا ہے۔
ڈونلڈ ٹرمپ نے سوشل میڈیا پر لکھا ہے کہ ایک ایسا پرفیوم جس کا مقابلہ آپ کے دشمن نہیں کر سکتے۔