سوات(مانند نیوز)صوبائی وزیر لائیو سٹاک، فشریز و کوآپریٹیو فضل حکیم خان یوسفزئی نے سیدو گروپ آف ٹیچنگ ہسپتال سیدوشریف کا دورہ کیا دورہ کے موقع پر ایم ایس سیدو گروپ آف ٹیچنگ ہسپتال ڈاکٹر شرافت علی خان اور ڈی ایم ایس ڈاکٹر محمد خان بھی ہمراہ تھے صوبائی وزیر نے سیدو شریف ہسپتال میں صحت کی سہولیات، ہسپتال میں عوام کو علاج معالجے کے معیار، ہسپتال میں صفائی اور ادویات کی دستیابی کی صورتحال کا بھی جائزہ لیا فضل حکیم خان یوسفزئی سیدو شریف ہسپتال کے مختلف شعبہ جات بھی گئے اور وہاں پر زیر علاج مریضوں کی خیریت اور سہولیات کے بارے میں دریافت کیا انہوں نے ہسپتال میں مریضوں کی تیمار داری کے لئے موجود اہل خانہ سے بھی گفتگو کی اس موقع پر زیر علاج مریضوں نے ہسپتال کی جانب سے فراہم کردہ سہولیات پر اطمینان کا اظہار کیا فضل حکیم خان یوسفزئی نے ہسپتال انتظامیہ کی کاوشوں کو سراہا صوبائی وزیر فضل حکیم خان یوسفزئی نے ایم ایس سیدو گروپ آف ٹیچنگ ہسپتال کو ہدایت کرتے ہوئے کہا کہ سیدو شریف ہسپتال میں مریضوں کا خصوصی خیال رکھا جائے اور علاج میں کوئی کمی نہ رکھی جائے انہوں نے کہا کہ ہسپتال انتظامیہ خود کو عوام کا خادم سمجھ کر خدمت خلق کے جذبے سے کام کریں۔