اسلام آبا د(مانند نیوز)امریکی شہر لاس اینجلس میں لگی آگ میں آج 9ویں روز بھی کمی نہیں آسکی، اب تک 25 افراد ہلاک ہو چکے ہیں۔ جنوبی کیلیفورنیا میں 60 لاکھ افراد آگ کے سنگین خطرے سے دوچار قرار دیے گئے ہیں۔
9 روز سے لگی آگ کو بجھانے میں طاقتور ہوائیں فائر فائٹرز کےلیے مشکلات بڑھا رہی ہیں۔ آج بھی تیز ہواؤں کی پیشگوئی ہے۔
لاس اینجلس: آگ کے شعلوں سے بچنے کی کوشش کرتے ہرن کے بچے کی ویڈیو وائرل
حکام کی جانب سے عوام کو محتاط اور ہنگامی صورتحال کےلیے تیار رہنے کی ہدایت جاری کی گئی ہے۔
ایٹن اور پیلیسیڈز کے مقامات پر لگی آگ جنوبی کیلیفورنیا کی تاریخ کی سب سے تباہ کن جنگلاتی آگ ہے۔
یونیورسٹی آف کیلیفورنیا کے مطابق زمین کو گرم کرنے والی موسمیاتی آلودگی کی وجہ سے لاس اینجلس آگ کی شدت اتنی زیادہ ہے۔