ایبٹ آباد (مانند نیوز) وفاقی محتسب اعجاز احمد قریشی کی مداخلت اور فیصلے سے ہریپور سے تعلق رکھنے والی بیوہ کو 3 سال سے زائد عرصے سے رکے ہوئے 5 لاکھ کا چیک پوسٹل لائف انشورنس نے ادا کردیا۔ واضح ہو کہ (بیوہ پروفیسر سید ز) نے وفاقی محتسب کے علاقائی دفتر ایبٹ آباد میں محکمہ پوسٹل لائف انشورنش کے خلاف شکایت درج کروائی تھی۔ شکایت کنندہ کا موقف تھا کہ اسکے شوہر نے یکمشت 5 لاکھ کی پالیسی 2020 کو خریدی اور مالی مجبوری کی وجہ سے 2023 میں سرنڈر کردی اور محکمہ کو بذریعہ درخواست بمعہ ضروری کاغذات جمع کروا دیے تھے لیکن تاحال سائلہ کو اس کی رقم کا چیک نا ملا۔