دیر بالا (مانند نیوز)دیر بالا میں کھلی کچہری کا انعقاد۔ وزیر اعلیٰ خیبر پختونخواہ کے عوامی ایجنڈا کے تحت ڈپٹی کمشنر دیر بالا نوید اکبر کی ہدایت پر ایڈیشنل اسسٹنٹ کمشنر واڑی انعام اللہ مروت کے زیر صدارت اسسٹنٹ کمشنر آفس واڑی میں تھیمیٹک کھلی کچہری کا انعقاد کیا گیا۔ کھلی کچہری میں واڑی کے تمام نیٹ ورک فرنچائیزز،ایریا منیجران، علاقہ مشران اور عام لوگوں نے شرکت کی۔کھلی کچہری کے شرکاء سے خطاب کرتے ہوئے کہا کہ کھلی کچہریوں کا بُنیادی مقصد عوام اور انتظامیہ کے درمیان فاصلے ختم کرنے ھیں اور ان کے مسائل کو ان کے دہلیز پر حل کرنا ہے عوام کو درپیش مسائل اور شکایات پر فوری ایکشن لیا جائیگا۔اس موقع پر انہوں نے عوامی مسائل غور سے سُن کر متعدد مسائل موقع پر حل کردئے جبکہ بیشتر مسائل کے حل کیلئے متعلقہ محکموں کو احکامات جاری کئے اور ان کو ہدایت کی گئی کہ عوامی مسائل کو ترجیحی بنیادوں پر حل کیا جائے۔