باجوڑ (مانند نیوز)خیبرپختونخوا حکومت کے احکامات اور ڈپٹی کمشنر باجوڑ شاہد علی خان کی خصوصی ہدایت پر گورنمنٹ کالج آف مینجمنٹ سائنسز، خار، باجوڑ سمیت ریسکیو 1122 باجوڑ، سی اینڈ ڈبلیو اور دیگر سرکاری دفاتر کو سبز ہلالی پرچم کے ساتھ قومی جذبے کے تحت نہایت دلکش اور رنگا رنگ انداز میں سجایا گیا ہے۔ اس کے علاوہ معرکہ حق یومِ آزادی سپورٹس فیسٹیول 2025 کی افتتاحی تقریب کی تیاریاں بھی مکمل کرلی گئی ہے۔ ڈسٹرکٹ سپورٹس آفیسر باجوڑ کی نگرانی میں باجوڑ سپورٹس کمپلیکس میں ”معرکہ حق یومِ آزادی سپورٹس فیسٹیول 2025” کی افتتاحی تقریب کے سلسلے میں تیاریاں جاری ہیں۔ گراؤنڈ کی تیاری، کھلاڑیوں کی رجسٹریشن اور دیگر انتظامات کو حتمی شکل دی جا رہی ہے تاکہ ایک منظم اور پُروقار تقریب کا انعقاد یقینی بنایا جا سکے۔