اسلام آباد (مانند نیوز)بحیرہ احمر میں ایک اور انٹرنیٹ کیبل کٹنے کے باعث مشرق وسطیٰ کے کئی ممالک میں انٹرنیٹ اور کلاؤڈ سروسز متاثر ہوئی ہیں جس میں متحدہ عرب امارات بھی شامل ہے۔
صارفین نے ہفتہ کی رات کو سروس میں سست روی کی شکایت کی، تاہم اتوار کی صبح تک جزوی بہتری سامنے آئی۔
سعودی عرب کے قریب سب میرین کیبل کٹ گئی، پاکستان کے بعض علاقوں میں انٹرنیٹ سست روی کا شکار
ماہرین کے مطابق ماضی میں ایسے 70 فیصد واقعات بحری جہازوں کے اینکر گرنے سے پیش آئے، بحیرہ احمر دنیا کا ایک اہم ٹیلی کمیونیکیشن راستہ ہے، جہاں مرمت کو پیچیدہ اور وقت طلب قرار دیا جاتا ہے۔
مارچ 2024ء میں بھی اسی علاقے میں تین کیبلز کٹنے سے انٹرنیٹ متاثر ہوا تھا۔