اسلام آباد (مانند نیوز)وزیرِ اعظم کی جانب سے سیلاب زدہ علاقوں میں بجلی کے بِلوں پر ایک ماہ کے استثیٰ کے لیے وزارتِ خزانہ کو آئی ایم ایف سے رابطے کی ہدایت کی گئی ہے۔
ذرائع کے مطابق بجلی کے بلوں سے ریلیف پورے پاکستان کے سیلاب زدہ علاقوں میں دیا جائے گا۔
دوسری جانب پی پی چیئرمین بلاول بھٹو نے کہا کہ وفاق نے متاثرہ اضلاع کے لیے بینظیر انکم سپورٹ پروگرام کے تحت ریلیف کا اعلان نہیں کیا۔ وزیرِاعظم نے یقین دہانی کروائی تھی کہ متاثرین کو بی آئی ایس پی کے تحت ریلیف دیا جائے گا۔
چیئرمین پپپلز پارٹی بلاول بھٹو نے ماحولیاتی اور زرعی ایمرجنسی کے اعلان کا خیرمقدم کیا ہے۔