اسلام آباد(مانند نیوز)نایاب قدرتی مناظر دیکھنے کے شوقین افراد جلد ہی آسمان پر 6 سیاروں کی خوبصورت پریڈ دیکھ سکیں گے۔
ماہرین فلکیات کے مطابق یہ دلکش منظر 28 فروری کی شام دیکھا جا سکے گا۔
ماہرین فلکیات کا کہنا ہے کہ اگر مطلع صاف رہتا ہے تو یہ خوبصورت پریڈ غروب آفتاب کے فوراً بعد دیکھی جا سکے گی لیکن 6 میں سے 4 سیاروں عطارد، زہرہ، مشتری اور زحل کو انسانی آنکھ سے دیکھا جا سکے گا جبکہ یورینس اور نیپچون کو دیکھنے کے لیے دوربین کی ضرورت پڑے گی۔
ماہرین فلکیات کے مطابق یہ خوبصورت نظارہ غروب آفتاب کے تقریباً 30 منٹ بعد نظر آئے گا۔
ناسا کے مطابق 3 سے 5 سیاروں کی صف بندی تو چند ماہ یا چند سالوں کے بعد اکثر ہوتی ہے لیکن 6 یا 7 سیاروں کی’پریڈ‘ غیر معمولی ہے۔