اسلام آباد (مانند نیوز)اسرائیل نے دعویٰ کیا ہے کہ اس نے ایک روز کے دوران ایران پر 1200 سے زائد بم برسائے۔
عرب میڈیا کے مطابق اسرائیلی فضائیہ کا کہنا ہے کہ امریکا کے ساتھ مشترکہ کارروائی میں گزشتہ 24 گھنٹوں کے دوران ایران میں مختلف مقامات کو نشانہ بنایا گیا اور 1200 سے زائد گولہ بارود (امیونیشنز) استعمال کیے گئے۔
ایران نے مشرقِ وسطیٰ میں 27 امریکی فوجی اڈوں پر نیا حملہ کردیا
رپورٹس کے مطابق جنوبی ایران کے صوبہ ہرمزگان کے شہر میناب میں واقع پرائمری گرلز اسکول بھی حملے کی زد میں آیا، جہاں بچوں سمیت کم از کم 148 افراد جاں بحق اور درجنوں زخمی ہوئے۔
ایران کے وزیر خارجہ عباس عراقچی نے کہا ہے کہ اسکول پر حملے میں درجنوں معصوم بچے مارے گئے اور یہ کارروائی بغیر جواب کے نہیں رہے گی۔
ایرانی حکام کے مطابق متاثرہ علاقوں میں امدادی کارروائیاں جاری ہیں۔