اسلام آباد (مانند نیوز)جوڈیشل کمیشن آف پاکستان کا اجلاس 28 اپریل کو طلب کر لیا گیا۔
ذرائع کے مطابق چیف جسٹس پاکستان جسٹس یحییٰ آفریدی کی زیرِ صدارت جوڈیشل کمیشن کا اجلاس ہو گا۔
اجلاس میں اسلام آباد ہائی کورٹ کے 5 ججز کے دوسری ہائی کورٹس میں تبادلے پر غور ہو گا، 5 ججز میں جسٹس محسن کیانی، جسٹس بابر ستار، جسٹس ارباب طاہر، جسٹس ثمن رفعت اور جسٹس خادم سومرو شامل ہیں۔
ذرائع کا کہنا ہے کہ اجلاس میں جسٹس محسن کیانی کے لاہور ہائی کورٹ اور جسٹس بابر ستار کے پشاور ہائی کورٹ تبادلے پر غور ہو گا۔
اجلاس میں جسٹس ثمن رفعت اور جسٹس خادم سومرو کے سندھ ہائی کورٹ تبادلے جبکہ جسٹس ارباب محمد طاہر کے بلوچستان ہائی کورٹ تبادلے پر غور ہو گا۔
27 ویں آئینی ترمیم کے بعد ہائی کورٹ کے جج کا تبادلہ جوڈیشل کمیشن کا اختیار ہے۔