اسلام آباد (مانند نیوز)امریکی میڈیا چینل نے انٹیلی جنس حوالے سے انکشاف کیا ہے کہ ایران کی فوجی بحالی توقع سے زیادہ تیز ہے۔
امریکی چینل کا کہنا ہے کہ ایران نے ڈرون پیداوار دوبارہ شروع کر دی ہے، ایران کی تیاری سے خطے میں سیکیورٹی خدشات ایک بار پھر بڑھ گئے ہیں۔
اس حوالے سے امریکی عہدیدار نے کہا ہے کہ ایرانیوں نے بحالی کے معاملات میں انٹیلی جنس کمیونٹی کے تمام اندازوں کو پیچھے چھوڑ دیا ہے۔
ایران اس وقت امریکا کے بھیجے گئے پیغام کا جواب دے رہا ہے: ایرانی خبر ایجنسی
ادھر امریکی نیوز ویب سائٹ کا دعویٰ ہے کہ ایران سے ممکنہ ڈیل تجاویز پر ٹرمپ اور نیتن یاہو کے درمیان تلخ جملوں کا تبادلہ ہوا ہے۔
نیوز ویب سائٹ کے مطابق امریکا کے صدر ڈونلڈ ٹرمپ نے اسرائیلی وزیرِ اعظم نیتن یاہو سے ٹیلی فون پر رابطہ کر کے بتایا ہے کہ ثالث اظہار ارادہ کے خط پر کام کر رہے ہیں جس پر امریکا اور ایران دستخط کریں گے۔