اسلام آباد (مانند نیوز) محکمۂ ایریگیشن پنجاب نے بتایا ہے کہ بھارت نے سلال ڈیم کے تمام گیٹ کھول دیے ہیں۔
محکمۂ ایریگیشن پنجاب نے سیالکوٹ اور وزیر آباد کے علاقوں میں سیلابی صورتِ حال پر ہائی الرٹ بھی جاری کر دیا۔
محکمۂ ایریگیشن پنجاب نے بتایا ہے کہ سلال ڈیم کے گیٹ کھلنے سے دریائے چناب میں پانی کی سطح بلند ہونے لگی۔
اسسٹنٹ کمشنر وزیر آباد جواد پیرزادہ نے بتایا ہے کہ آئندہ 48 گھنٹوں میں سیلابی ریلہ دریائے چناب میں وزیر آباد کے مقام پر پہنچنے کا امکان ہے۔
انہوں نے بتایا کہ پی ڈی ایم اے کی طرف سے بڑے سیلاب کی اطلاع دی گئی ہے، بھارت سے بڑے سیلاب کی آمد کا امکان ہے۔