نیپال (مانند نیوز) کے ضلع راسووا میں اچانک آنے والے سیلابی ریلے کے باعث ہلاکتوں کی تعداد 162 ہو گئی جبکہ 579 سیاح لاپتہ ہیں۔
غیر ملکی میڈیا کے مطابق متاثرہ علاقوں میں امدادی کارروائیاں جاری ہیں۔
نیپال کے سیاحتی حکام کے مطابق لاپتہ افراد میں 400 سے زائد غیر ملکی بھی شامل ہیں، جن میں 142 بھارتی، 54 امریکی، 34 آسٹریلوی، 33 برطانوی، 24 کینیڈین، 17 ملائیشین اور 53 یوکرینی شہری شامل ہیں۔
اس کے علاوہ جنوبی کوریا، جنوبی افریقا، پرتگال اور نیدرلینڈز سے تعلق رکھنے والے بھی کچھ افراد لاپتہ ہیں۔
دوسری جانب چینی سرکاری میڈیا کے مطابق تبت کے علاقے گیرونگ میں مٹی کے تودے گرنے کے بعد 558 افراد لاپتہ ہیں، جن میں 260 غیر ملکی شہری شامل ہیں جبکہ وہاں ہلاکتوں کی تعداد 3 بتائی گئی ہے۔
میڈیا رپورٹس کے مطابق سیلاب اور مٹی کے ریلے سے سرحدی علاقے میں گھروں، سڑکوں اور بجلی کے منصوبوں کو شدید نقصان پہنچا ہے۔