سرگودھا (مانند نیوز ڈیسک) عید الاضحی کی آمد کے پیش نظر جانوروں کی قیمتیں بڑھ گئیں۔ تفصیلات کے مطابق دیہی علاقوں میں مویشی پالنے والے لوگوں کی بڑی تعداد نے ابھی سے اپنے جانور بیچنے کیلئے شہروں کا رخ کرلیا اور اکثر بازاروں میں جانوروں کے بیوپاری جانور فروخت کرتے نظر آرہے۔بیوپاریوں نے بتایا کہ عید الاضحی کی آمد سے قبل بہتر ہے کہ ہم اپنے جانور فروخت کردیں کیونکہ منڈیوں میں جانوروں کی فروخت پر لگنے والے ٹیکس سے بھی اسی صورت میں بچا جاسکتا ہے اس کے علاوہ ہمیں خاطر خواہ آمدن بھی ہو گی۔