پشاور (مانند نیوز ڈیسک) خیبر پختونخوا میں کورونا اور شدید گرمی کے باعث معطل تعلیمی سرگرمیاں بحال کر دی گئیں۔گرمی کی شدت کے باعث 10 جون کو سکولز بند کیے گئے تھے۔ صوبائی دارالحکومت پشاور میں بھی کورونا کیسوں میں کمی کے بعد تعلیمی سلسلہ بحال ہوگیاہے۔تفصیلات کے مطابق پرائمری اور مڈل سکول بھی کھول دئیے گئے ہیں جبکہ کورونا کے باعث پشاور، مردان، ہنگو، دیر سمیت چھ اضلاع میں سکول تقربیاً تین ماہ سے بند تھے۔ میدانی علاقوں میں شدید گرمی سے سکول 10 جون سے بند تھے۔ محکمہ تعلیم نے اوقات کم کرکے سکول کھول دئیے ہیں۔محکمہ تعلیم کے مطابق گرم اضلاع والے علاقوں میں کلاسز صبح سات سے دس بجے تک ہوں گی۔