ہنگو (مانند نیوز ڈیسک) سیٹزن پورٹل پر درج شکایت اور ڈپٹی کمشنر ہنگو حمیداللہ شاہ کی ہدایات پر ڈسٹرکٹ فوڈ کنٹرولر قاضی فداء الرحمان فوڈ انسپکٹر روح الامین کے ہمراہ تحصیل ٹل دوآبہ اور نواحی علاقہ کر بوغہ شریف میں قصائیوں کے دوکانوں پر چھاپے مارے۔اس دوران متعدد قصائی مقررہ ریٹس سے زائد وصولی،ناقص صفائی گوشت پر جالیوں کی عدم تنصیب پر کاروائی کرتے ہوئے جرمانے عائد کر دئیے گئیں جبکہ متعدد قصائیوں کو تنبیہ نوٹسسزجاری کردی گئیں۔دریں اثناء ڈی ایف سی قاضی فدائالرحمان نے ضروری ہدایات جاری کرتے ہوئے بتایا کہ قصائی حضرات صفائی ستھرائی کا خاص خیال رکھیں۔گوشت کو جالیوں سے ڈھانپ کر فروخت کریں۔ روزانہ بنیاد پر انسپکشن کامقصد عوام کو معیاری اشیاء سرکاری نرخوں پر فراہمی یقینی بنانا ہے۔اس ضمن میں کسی قسم عوامی شکایت کافوری ازالہ کیا جائیگا۔انہوں واضع کیاکہ خلاف ورزی کی صورت میں سخت قانونی کارروائی عمل میں لائی جائیگی۔