کراچی (مانند نیوز ڈیسک) کراچی سی ویو پر پھنسا بحری جہاز نکالنے کے لیے آپریشن کی تیاری شروع کردی گئی۔پورٹ حکام نے کہا کہ دو طاقتور ٹگس جہاز کو ریت سے نکالنے کے لیے تیار ہیں،حکام جہاز سے پہلے تیل نکالنے پر غور کر رہے ہیں۔حکام کے مطابق جہاز کے قریب شاول سے بھی کام جاری ہے۔ واضح رہے کہ سی ویو کے ساحل پر کئی روز سے مال بردار بحری جہاز پھنسا ہوا ہے۔سی ویو پر پھنسے کارگو جہاز میں لاکھوں لیٹر ڈیزل موجود ہونے کا انکشاف بھی ہوا تھا۔شپنگ ماہرین کے مطابق استنبول سفر کے لیے جہاز میں تقریبا 5 لاکھ لیٹر ڈیزل موجود ہونا چاہیے، تسمان اسپرٹ کی طرح جہاز سے تیل رسنے کا امکان نظرانداز نہیں کیا جا سکتا۔
