لیہ (مانند نیوز ڈیسک) لیہ کے علاقے جمن شاہ میں تیز رفتار بس الٹنے سے 7 مسافر جاں بحق اور 40 زخمی ہوگئے۔تفصیلات کے مطابق لیہ کے علاقے جمن شاہ میں راولپنڈی سے کوئٹہ جانیوالی تیز رفتار بس موٹرسائیکل رکشے کو بچاتے ہوئے الٹ گئی، جس کے نتیجے میں 7 افراد موقع پر جاں بحق اور 40زخمی ہو گئے،۔ جاں بحق ہونے والے افراد میں 6 مرد اور ایک خاتون شامل ہے۔ریسکیو حکام کے مطابق لاشوں کو ڈسٹرکٹ ہیڈ کوارٹرز ہسپتا ل منتقل کردیا گیا،5 افراد کی حالت تشویشناک ہے،ہلاکتوں میں اضافے کاخدشہ ہے۔ پولیس نے واقعہ کی رپورٹ درج کرکے مزید کارروائی شروع کردی۔