لاہور (مانند نیوز ڈیسک) مسلم لیگ(ن)کے صدر اور قومی اسمبلی میں قائد حزب اختلاف شہباز شریف نے کوٹ لالو کے قریب ریلوے ٹریک پر ہونے والے دھماکے کی مذمت کی ہے۔شہباز شریف نے کہا کہ اللہ کا شکر ہے کہ دھماکے سے کوئی جانی نقصان نہیں ہوا، ریلوے حادثات کے بعد اب بدامنی کے واقعات میں اضافہ باعث تشویش ہے۔انہوں نے کہا کہ ملک میں بدامنی کے بڑھتے واقعات ہماری قومی توجہ اور جائزہ کے متقاضی ہیں۔ واضح رہے کہ سکھر کے قریب کوٹ لالو ریلوے ٹریک پر دھماکا ہوا تھا جس کے نتیجے میں ٹریک ٹوٹ گیا تھا۔