اسلام آباد (مانند نیوز ڈیسک) سابق وزیراعظم اور سینیٹ میں قائد حزب اختلاف سید یوسف رضا گیلانی اور ان کی بیٹی کو اسلام آباد ایئرپورٹ پر بیرون ملک سفر سے روک دیا گیا۔ یوسف رضا گیلانی کا نام ای سی ایل میں شامل ہونے کی وجہ سے ان کو بیرون ملک سفر کرنے سے روکا گیا۔ یوسف رضا گیلانی اٹلی میں ہونے والی کانفرنس میں شرکت کے لئے جا رہے تھے۔ یوسف رضا گیلانی کی بیٹی کے پاس ڈپلومیٹک پاسپورٹ تھا جس کو بھی چیک کیا جا رہا ہے۔ یوسف رضا گیلانی اور ان کی بیٹی کو ایف آئی اے کی جانب سے ایئرپورٹ پر روکا گیا ہے۔