ملاکنڈ (مانند نیوز ڈیسک) ڈپٹی کمشنر وکمانڈنٹ ملاکنڈ لیویز الطاف احمد شیخ کی ہدایت پر ضلعی انتظامیہ کے افسران نے ضلع ملاکنڈ میں موٹر سائیکل پر ون ویلنگ کے خلاف ایکشن لیا۔انتظامی افسران نے ون ویلنگ کرنے پر متعدد نوجوانوں اور کم عمر بچوں کو پکڑ کر انھیں ہدایت کی کہ وہ آئیندہ اس خطرناک فعل سے باز رہے کیونکہ یہ ان کی جانوں کیلئے خطرے کا باعث بن سکتا ہے اور اس سے ان کے والدین،عزیزو اقارب اور معاشرہ اذیت اور پریشانی کا شکار ہوگا۔انتظامی افسران نے والدین پر زور دیاہے کہ وہ اپنے بچوں پر خیال رکھیں اور اس خطرناک کھیل سے اپنے بچوں کو منع کریں کیونکہ اس کے باعث ان کے بچوں کو نقصان پہنچ سکتا ہے اور اس خطرناک کام کی وجہ سے والدین پریشانی کا شکار ہوسکتے ہیں اور دیگر راہگیر شہری بھی اس سے پریشان ہورہے ہیں۔ون ویلنگ ایک خطرناک کھیل ہے جو کسی بھی بڑے حادثے کا سبب بن سکتا ہے۔انہوں نے کہا کہ سرکاری احکامات کی خلاف ورزی پر قانونی چارہ جوئی کی جائے گی۔