ملاکنڈ (مانند نیوز ڈیسک) ڈپٹی کمشنر / کمانڈنٹ ملاکنڈ لیویزمحمد عارف خان نے گزشتہ رات 9 بجے مختلف علاقوں کا دورہ کیااور علاقے میں امن و امان کی صورتحال کا جائزہ لیا۔ انہوں نے بیس بدل کر مختلف چیک پوسٹوں غاور کلے, موسی مینہ اوروزیر آباد کی چیک پوسٹوں کا بھی معائنہ کیا اور غفلت برتنے پر تین سپاہیوں (جاوید, ذاکر حسین اور مرسلین) کو فوری طور پر معطل کیا گیا۔ کمانڈنٹ نے اسسٹنٹ کمشنرز, صوبیدار میجر اور تمام پوسٹ کمانڈران کو سختی سے ہدایات دیئے کہ ضلع ملاکنڈ میں منشیات فروشوں اور جرائم پیشہ عناصر کے لئے کوئی جگہ نہیں ہے اور جو علاقہ جس پوسٹ کمانڈر کے دائرہ اختیار میں آتا ہے وہ وہاں کی صورتحال کی کھڑی نگرانی اور گشت کیا کریں اور ڈیوٹی میں کسی قسم کی بھی غفلت برداشت نہیں کی جائیگی۔
