کوئٹہ (مانند نیوز ڈیسک) بارش کے بعد کوئٹہ شہر میں بجلی کی فراہمی معطل ہوگئی، صارفین کو مشکلات کا سامنا رہا۔تفصیلات کے مطابق کوئٹہ میں بارش کے بعد سے شہر کے مختلف وسطی اور نواحی علاقوں میں بجلی کی فراہمی معطل ہوئی، بجلی کی معطلی کا سلسلہ کئی گھنٹوں بعد بھی بجلی بحال نہ ہو سکی جس کی وجہ سے صارفین کو مشکلات کا سامنا رہا۔ترجمان کیسکو کے مطابق شہر اور نواحی علاقوں میں 19 فیڈرز فنی خرابی کے باعث بند ہوگئے، متاثرہ فیڈرز سے منسلک علاقوں کو بجلی کی فراہمی معطل رہی، متاثرہ فیڈرز پر فنی خرابی دور کرنے کے لئے کام جاری ہے۔