پشاور (مانند نیوز ڈیسک) تھانہ شہید گلفت حسین پولیس نے خفیہ اطلاع پر کامیاب کارروائی کے دوران اندرون شہر غیر قانونی اسلحہ سمگل کرنے کوشش ناکام بناتے ہوئے ایک ملزم کو گرفتار کر لیا۔تفصیلات کے مطابق پولیس کو غیر قانونی اسلحہ کے بارے میں اطلاع ملی تھی جس پر ایس ایچ او مامون الرشید نے فوری کارروائی کرتے ہوئے ملزم سمیع اللہ ولد خانم اللہ کو گرفتار کر لیا۔ ملزم کا تعلق ضلع چارسدہ سے ہے جس کے قبضے سے 7 عدد پستول برآمد کر لئے۔ ملزم نے ابتدائی تفتیش کے دوران غیر قانونی اسلحہ کی ترسیل میں ملوث ہونے کا اعتراف کر لیا جس کے خلاف مقدمہ درج کر کے تفتیش شروع کر دی گئی ہے۔