اسلام آباد (مانند نیوز ڈیسک) ازبکستان کے صدر کل(جمعرات کو) 2 روزہ دورہ پاکستان آئیں گے۔وزیر اعظم کے معاون خصوصی برائے سیاسی روابط شہباز گل نے ٹویٹ کرتے ہوئے کہا کہ کل بروز جمعرات تین مارچ کو ازبکستان کے صدردو روزہ دورے پر پاکستان تشریف لا رہے ہیں۔ تین مارچ کی شام وزیراعظم پاکستان معزز مہمان کے اعزاز میں عشائیہ پر انکی میزبانی کریں گے۔ انہوں نے کہا کہ پوری پاکستانی قوم معزز مہمان کو دل و جان سے خوش آمدید کہتی ہے۔