چکدرہ( نمائندہ مانند )جماعت اشاعت التوحید وسنت کے مرکزی آمیر شیخ القران والحدیث و صدر وحدت المدارس پاکستان جناب حضرت مولانا محمد طیب طاہری صاحب نے ڈاکٹر صفت اللہ خان مروت ایسوسی ایٹ پروفيسر، شعبہ کمپیوٹر سائنس اینڈ آئی ٹی کی خصوصی دعوت پر یونيورسٹی آف مالاکنڈ کا دورہ کیا۔قران اور سنت کی روشنی میں طلباءکی کردار سازی کے تناظر میں یونيورسٹی کے پروفيسر صاحبان اور انتظامی افسران کے ساتھ سیر حاصل گفتگو کی۔وائس چانسلر پروفيسر ڈاکٹر رشید احمد صاحب نے شیخ القران کی یونيورسٹی آمد پر خصوصی شکریہ ادا کیا اور مستقبل قریب میں يونیورسٹی اور وحدت المدارس کے مابین مفاہمتی یاداشت اور دینی و دنیاوی تعلیم کے درميان ربط پیدا کرنے پر زور دیا ٠اجلاس میں ڈاکٹر عطاءالرحمان، ڈین فیکلٹی آف آرٹس، حنیف یوسفزئی،شعبہ سیاحت، ڈاکٹر صفت اللہ خان شعبہ کمپیوٹر سائنس اینڈ آئی ٹی اور پبلک ریلشن آفیسر ڈاکٹر مراد علی شعبہ پولیٹیکل سائنس نے شرکت کی۔