پبی (مانند نیوز ڈیسک) تھانہ پبی پولیس نے بھاری مقدار میں منشیات سمگل کرنے کی کوشش ناکام بنادی۔موٹر کار سے105 کلوگرام اعلیٰ کوالٹی چرس برآمد۔مقدمہ درج۔تفتیش جاری ہے بلال حلیم ایس ایچ او پبی معمول کی گشت پر تھے کہ واپڈا کالونی تاروجبہ کے مقام پر ایک موٹر کار کو مشکوک جان کر روکنے کا اشارہ کیا۔موٹر کار ڈرائیور نے گاڑی روکنے کے بجائے سپیڈ بڑھا دی۔پولیس نے موٹر کار کا تعاقب کیا۔پبی بازار پہنچ کر ڈرائیوموٹر کار چھوڑکر رش کا فائدہ اُٹھاتے ہوئے فرار ہونے میں کامیاب ہو گیا۔موٹرکار نمبری 961-AKY/اسلام آباد کی تلاشی لینے پر موٹرکار 105 کلوگرام اعلیٰ کوالٹی چرس برآمد کر لی گئی۔مقدمہ درج کرکے موٹر کار کے ذریعے ملزمان کی گرفتاری کیلئے کوششیں جاری ہیں