نوشہرہ (مانند نیوز ڈیسک) امانگڑھ میں اپنے سگے بھائی کے گھر سے چوری کرنے والا ملزم گرفتار۔نقدی اور زیورات برآمد۔دو ہفتے قبل کامران علی ساکن لیبر کالونی امانگڑھ نے پولیس کو رپورٹ درج کی کہ وہ اپنے فیملی کیساتھ تفریح کیلئے گئے ہوئے تھے۔واپس آکر دیکھا تو کسی نے کمرے کے تالے تھوڑ کر ساڑھے 03 تولے سونا اور نقدی چوری کرکے لئے گئے تھے۔نورالاسلام خان SHO اضاخیل نے موقع سے شواہد کو اکھٹا کرکے تفتیش کا آغاز کیا۔موجود شواہد اور حالات سے پولیس کو علم ہوا کہ چوری میں کوِئی گھر کا فرد شامل ہے۔جس پر گھر کے افراد کو شامل تفتیش کیا گیا۔مدعی کے بھائی نے دوران تفتیش سب اُگل دیا۔ملزم بہار علی ولد نیاز علی ساکن لیبر کالونی امانگڑھ کو گرفتار کر لیا گیا۔ملزم کی نشاندہی پر سونے کا ہار اور فروختگی رقم 73 ہزار روپے برآمد کر لئے گئے۔ملزم کو مزید تفتیش کیلئے تھانے منتقل کر دیا گیا۔