پشاور (مانند نیوز ڈیسک) غیر سرکاری تنظیم ساتھ سب کا ڈویلپمنٹ آرگنائزیشن مردان کے بانی ڈاکٹر ایمل مہمند سیلاب زدگان کی مددکیلئے امدادی ٹیم کے ساتھ چارسدہ پہنچ گئے جہاں انہوں نے ضلع چارسدہ اورقریبی علاقوں میں امدادی سرگرمیاں شروع کردی ہیں متاثرین سیلاب میں راشن اور ادویات کی تقسیم جاری ہے، ساتھ سب کا ڈویلپمنٹ آرگنائزیشن مردان کے بانی ڈاکٹر ایمل مہمند نے کہا کہ سیلاب زدہ علاقوں میں ہرطرف انسانیت سسک رہی ہے بھوک، افلاس، غربت اور بیماریوں نے پنجے گاڑھ لئے ہیں مخیر حضرات آگے بڑھ کرسیلاب زدگان کی مددکریں، مشکل کی اس گھڑی میں اپنے ان بھائیوں کا دست و بازو بنیں بدحالی کا شکار یہ لوگ اپنے بھائیوں کی طرف سے فوری امدادکے منتظر ہیں ملک میں مون سون کی حالیہ بارشوں اور اس کے ساتھ آنے والے سیلاب نے کئی علاقوں میں معمول کی زندگی کو درہم برہم کر دیا ہے۔