اسلام آباد (مانند نیوز ڈیسک) وفاقی وزیر اطلاعات مریم اورنگزیب نے کہا کہ ترکیہ سے امدادی سامان لے کر دو جہاز آج (پیر)کو کراچی پہنچیں گے۔وفاقی وزیراطلاعات و نشریات مریم اورنگزیب نے سماجی رابطے کی ویب سائٹ ٹویٹر پر جاری پیغام میں کہا ہے کہ متحدہ عرب امارات سے سیلاب متاثرین کے لییامدادی سامان کے 15 طیارے آئندہ چند روز میں آئیں گے۔ مریم اورنگزیب نے کہا کہ امدادی سامان میں خیمے، خوراک، ادویات اور دیگرضروری اشیا شامل ہیں، سامان وزیراعظم کی اپیل پر بھجوایا جارہا ہے۔وفاقی وزیر اطلاعات نے کہا کہ ترکیہ سے امدادی سامان لے کر دو جہاز آج (پیر)کو کراچی پہنچیں گے۔کراچی میں ترکیہ کے قونصل جنرل ہوائی اڈے پر امدادی سامان پاکستانی حکام کے حوالے کریں گے۔امدادی سامان میں خیمے، ادویات اور دیگر اشیا شامل ہیں۔