راولپنڈی (مانند نیوز ڈیسک) عوامی مسلم لیگ کے سربراہ اورسابق وفاقی وزیر شیخ رشید احمد نے کہا ہے کہ قوم سیلاب زدگان کیلئے حکمرانوں کے بجائے عمران خان کو چندہ دے گی۔سماجی رابطے کی ویب سائٹ پر اپنے ایک پیغام میں سابق وزیر داخلہ شیخ رشید نے موجودہ حکومت کو ایک بار پھر تنقید کا نشانہ بنایا ہے۔انہوں نے بتایا کہ پاکستان میں ہر10سال بعد سیلاب آتا ہے لیکن حکومت میں اس صورتحال سے نمٹنے کی صلاحیت موجود نہیں۔انہوں نے مزید کہا کہ دنیا نے سیلابی پانی کے لیے ڈیم بنائے لیکن ہم غریبوں کی بستیوں کو ہی ڈیم بنادیتے ہیں جس کی وجہ سے آج تک2010کے سیلاب متاثرین آبادنہیں ہوسکے ہیں۔ انہوں نے کہا کہ وزیراعظم سکیورٹی کے ہمراہ روزانہ بچوں کیساتھ سٹائل بناکر تصویر بنواتے ہیں، کرپشن زدہ بھکاری حکمرانوں کی بجائے لوگ عمران خان کو سیلاب ردگان کی مدد کے لئے چندہ دینگے۔انہوں نے کہا کہ دیکھنا ہے کہ آج آئی ایم ایف کیا فیصلہ کرتی ہے۔