کوہستان (مانند نیوز) اسسٹنٹ کمشنر ہیڈکوارٹرز پٹن کوہستان لوئر حفیظ اللہ نے تحصیل ہیڈکوارٹرزہسپتال پٹن کا دورہ کیا جہاں انچارج ہسپتال ڈاکٹر محمدگیر نے ان کو ہسپتال کے مختلف یونٹس کا معائنہ کرایا اور دستیاب خدمات و سہولیات اور مسائل کے بارے میں تفصیل سے آگاہ کیا۔ ہسپتال میں کیجولٹی، اوپی ڈی،ڈینٹل یونٹ،لیبرروم،ایکسرے،میڈیسن سٹور اورلیبارٹری یونٹس فعال ہیں تاہم اکثر خدمات ڈاکٹرز اور سپورٹنگ اسٹاف کی درجنوں آسامیاں خالی پڑی رہنے کی وجہ سے سیکنڈٹائم اور رات کو صرف آن کال دستیاب ہیں۔ اسسٹنٹ کمشنر نے مریضوں سے سہولیات بابت ان کے تاثرات بھی معلوم کئے۔ ہسپتال کے اندر غیرلائیسنس یافتہ اور بغیر این او سی کھلے میڈیکل سٹور کو موقع پر سیل کیا۔