ایبٹ آباد(مانند نیوز) جنرل الیکشن تیاری کے حوالے سے جائزہ اجلاس ڈپٹی کمشنرایبٹ آباد خالد اقبال کی زیر صدارت ڈپٹی کمشنر آفس میں منعقد ہوا۔ اجلاس میں الیکشن کی تیاری، ٹرانسپورٹیشن پلان، الیکشن ڈیوٹی، سی سی ٹی وی کیمروں کی انسٹالیشن، سٹاف کی فراہمی، سکیورٹی کی فراہمی کے حوالے سے امور زیر بحث آئے۔ ڈپٹی کمشنر ایبٹ آباد نے ہیلتھ، ایجوکیشن، لوکل گورنمنٹ اور دیگر محکمہ جات کو الیکشن کمیشن کے ساتھ تعاون، پولنگ سٹاف کی فراہمی، سٹاف کی ٹریننگ، پولنگ سٹیشنوں پرسروسز کی فراہمی، واش رومز، پانی کی فراہمی، سی سی ٹی وی کی انسٹالیشن، پولنگ سٹاف کے لییموزوں مقام کا انتخاب، معزور افراد کے لیے ریمپس اور دیگر سہولیات کی الیکشن سے پہلے فراہمی پرزور دیا۔ اس کے علاوہ ڈپٹی کمشنر ایبٹ آباد نے برفانی ایریا میں آمدورفت کی سہولیات، پولنگ سٹیشن،پولنگ میٹریل کی ٹرانسپورٹیشن اور پولنگ ڈے پر بجلی کی ہمہ وقت فراہمی کے حوالے سے جامع لائعہ عمل اور ہدایات جاری کیں۔