اسلام آباد (مانند میڈیا) حکومتی اور اتحادی جماعتوں کی پارلیمانی پارٹیوں کا اہم اجلاس آج (منگل کو) شام چار بجے طلب کرلیا گیا ہے ۔ اجلاس پارلیمنٹ ہاوس کے کمیٹی روم نمبر دو میں منعقد ہوگا، وزیراعظم کے پی میں ایمرجنسی اور گورنر راج کے فیصلوں پر اراکین کو اعتماد میں لیں گے۔ اجلاس میں وفاقی وزیر داخلہ محسن نقوی سیکیورٹی صورتحال پر جبکہ وزیرقانون اعظم نذیر تارڑ اجلاس کو قانونی پہلوئوں پر بریفنگ دیں گے ۔ وزیر پارلیمانی امور ڈاکٹر طارق فضل چوہدری پارلیمنٹ کے اجلاس کے ایجنڈے پر بریفنگ دیں گے۔