ڈسکہ (مانند میڈیا)ڈسکہ پسرور روڈ پر گزشتہ روز تیز رفتار ٹرک کے موٹر سائیکل کو کچلنے کے افسوسناک واقعہ میں ماں کے بعد بیٹا بھی زندگی کی بازی ہار گیا، حادثے میں جاں بحق ہونے والوں کی تعداد دو ہو گئی ریسکیو ذرائع کے مطابق سعودی عرب میں مقیم جامکے کے رہائشی قمر دین کی 45 سالہ اہلیہ شمیم اپنے 19 سالہ بیٹے سلمان کے ہمراہ موٹر سائیکل پر پسرور جا رہی تھی کہ پسرور روڈ پر تیز رفتار ٹرک نے موٹر سائیکل کو کچل دیا حادثے کے نتیجے میں شمیم موقع پر ہی جاں بحق ہو گئی جبکہ اس کا بیٹا سلمان شدید زخمی ہو گیا جسے تشویشناک حالت میں وینٹی لیٹر پر منتقل کیا گیا تھاجو جانبر نہ ہوسکااور رات گئے زخموں کی تاب نہ لاتے ہوئے دم توڑ گیا ماں اور بیٹے کی المناک موت پر اہل خانہ اور علاقے کی فضا سوگوار ہو گئی