کوہاٹ (مانند نیوز) پولیس نے متعدد سنگین مقدمات میں مطلوب خطرناک اشتہاری مجرم کو اسلحہ سمیت گرفتار کر لیا۔شدید مزاحمت کے بعد گرفتار اشتہاری مجرم ضیاء اللہ عرف بجے کے قبضے سے کلاشنکوف اور درجنوں کارتوس برآمدکئے گئے۔انٹیلی جنس بیسڈ چھاپہ مار کارروائی محمد زئی کے علاقے میں عمل میں لائی گئی۔ڈی پی او شفیع اللہ خان گنڈا پورکا کہنا ہے کہ جرائم پیشہ عناصر خود سرنڈر کرلیں بصورت دیگر انکے ساتھ سختی سے نمٹا جائے گا۔جرائم میں ملوث اشتہاری مجرموں اور معاشرے میں بگاڑ پیدا کرنے والے منشیات فروشوں کیلئے کوہاٹ کی سر زمین پرکوئی جگہ نہیں ہے۔علاقائی امن و استحکام کیلئے جرائم پیشہ عناصر کا قلع قمع ضروری ہے جس پر کوئی سمجھوتہ نہیں کیا جائے گا۔