لوئر چترال (مانند نیوز)عوامی شکایات کا نوٹس لیتے ہوئے ایڈیشنل اسسٹنٹ کمشنر لوئر چترال شہروز مفتی نے بلچ پیٹرول پمپ کا دورہ کیا۔صفائی,گیچ اور دستیاب سہولیات کا معائنہ عمل میں لاتے ہوئے گیج چیک کرنے پر گیج میں کمی پائی گئی اور پمپ میں انجن ائل کے ریٹ بھی خودساختہ تھے اور مہنگے فروخت کئے جارہے تھے اس وجہ سے پیٹرول پمپ کو سیل کردیا گیا اور پمپ کے مالک کو مزید قانونی کاروائی کے لیے افس طلب کرلیا گیا۔اسی طرح انہوں نے سکول اور اے ڈپی سکیم کا معائنہ بھی کیا۔اساتذہ کی حاضری,سکول کی صفائی طلباء اور سٹاف کے مسائل دریافت کئے گئے اور جلدی حل کرنے کی یقین دہانی کرائی گئی۔اس ضمن میں اے ڈی پی سکیم کا بھی معائنہ کیا گیااور کام کا معیار دیکھا گیا۔ انہوں نے ٹھیکیدار کو ہدایت کی کہ کام معیار کے مطابق کرے جبکہ ناقص کام کی صورت میں قانونی کاروائی کی جائے گی۔