مجھے مولا جٹ کہنے پر عمران خان کا شکریہ ادا کرتا ہوں،گورنر سندھ

کراچی(مانند نیوز ڈیسک)گورنر سندھ کامران ٹیسوری نے کہا ہے کہ عمران خان کا شکر یہ ادا کرتا ہوں کہ مجھے مولا جٹ کہا، یہ مثبت کردار ہے، اللہ اس مولا جٹ سے کام لے اور شہر کے لیے اچھا ثابت ہو۔کراچی میں میڈیا سے گفتگو کرتے ہوئے گورنر سندھ نے کہا کہ پانی اور بجلی کا مسئلہ ہے، ہم اس کے حل کے لیے کام کریں گے، وزیرِ اعلی سندھ مراد علی شاہ اچھا کام کر رہے ہیں۔ا نہوں نے کہا کہ گورنر ہاؤس کا شکایتی سیل عوام کے لیے کھول دیا، جو 24گھنٹے کھلا رہے گا، عوام اس سیل سے 1366پر رابطہ کر سکتے ہیں، شکایتی سیل سے شہر میں امن قائم کرنے میں مدد ملے گی۔ انہوں نے کہا کہ ایم کیو ایم پاکستان کی طرف سے امین الحق آئی ٹی کے وزیر ہیں، مستقبل میں آئی ٹی پارک کا اجرا کریں گے، ملک کا مستقبل آئی ٹی میں ہی ہے۔