کوہاٹ (مانند نیوز)ایڈیشنل ڈپٹی کمشنر کوہاٹ بشیر احمد کے زیرِ صدارت بدھ کے روز تحصیل آفس لاچی میں کھلی کچہری کا انعقاد کیا گیا۔ کھلی کچہری میں اسسٹنٹ کمشنر لاچی خولہ طارق تحصیلدار لاچی، ضلعی ڈیپارٹمنٹس کے سربراہان اور نمائندوں، بلدیاتی نمائندوں،عمائدین علاقہ اورعام لوگوں نے کثیر تعدادمیں شرکت کی۔منتخب بلدیاتی نمائندوں اور عمائدین علاقہ نے عوام کو درپیش مسائل و مشکلات سے آگاہ کیا۔ جس میں عوام کی زیادہ ترشکایات بجلی کی لوڈ شیڈنگ، آبنوشی کی فراہمی تھی۔ایڈیشنل ڈپٹی کمشنر نے تمام مسائل تفصیل سے سنے اور متعلقہ محکموں کے سربراہان اور نمائندوں نے ان مسائل کے جوابات عوام کو پیش کئے۔ بعض مسائل کو موقع پر حل کر دیا گیا جبکہ باقی مسائل کے حل کیلئے متعلقہ محکموں کو احکامات جاری کئے گئے۔